కేసీఆర్, కేటీఆర్ ఫ్లెక్సీలకు పాలాభిషేకం - ఛాంబర్ చైర్మన్ వెన్ రెడ్డి రాజు

బీఆర్ ఎస్ కు మునిసిపల్ ఛాంబర్ సంపూర్ణ మద్దతు

చౌటుప్పల్, ప్రజాజాగృతి, డిసెంబర్ 12 ( వరికుప్పల తోనేశ్వర్ నంద ) : తెలంగాణ జాతిపిత కెసిఆర్ ఏర్పాటుచేసిన బి.ఆర్.ఎస్ పార్టీకి తెలంగాణ మున్సిపల్ చైర్మన్ ఛాంబర్ సంపూర్ణ మద్దతు ఇస్తున్నట్లుగా ఛాంబర్స్ రాష్ట్ర చైర్మన్ వెన్ రెడ్డి రాజు తెలిపారు. తెలంగాణ మున్సిపల్ ఛాంబర్స్ కార్యవర్గ సమావేశం సోమవారం ఈ మేరకు తీర్మానం చేసినట్లుగా ఆయన తెలిపారు. ఈ సందర్భంగా సీఎం కేసీఆర్, మంత్రి కేటీఆర్ ల ఫ్లెక్సీలకు పాలాభిషేకం చేశారు. మిఠాయిలు పంపిణీ చేశారు. ఈ సందర్భంగా చైర్మన్ వెన్ రెడ్డి రాజు మాట్లాడుతూ భారత రాజకీయాల్లో బిఆర్ఎస్ పార్టీ మరో విప్లవం సృష్టించబోతుందన్నారు.  తెలంగాణ బిడ్డ పీవీ నరసింహారావు ప్రధానమంత్రిగా అనేక ఆర్థిక సంస్కరణలతో పాటు అస్సాం, పంజాబ్, కాశ్మీర్ లాంటి సున్నితమైన సమస్యలను పరిష్కరించి శాంతి యుత పరిస్థిస్తులు నెలకొల్పారన్నారు. అదే విధంగా  రాబోయే కాలంలో బిఅర్ఎస్ పార్టీ నేతృత్వంలో తెలంగాణ బిడ్డ కేసీఆర్ ప్రధాని పీఠం అధిరోహిస్తే రైతు రాజ్యస్థాపన, పట్టణీకరణ, అనగారిన వర్గాలకు ఆర్థిక చేయూత, సంస్కరణలకు కర్మాగారం లాంటి పథకాలు, తెలంగాణ పథకాలు దేశవ్యాప్తంగా విస్తరించడం జరుగుతుందన్నారు. తెలంగాణలో విద్యా, వైద్యం, హరిత పట్టణాలు, వైకుంఠ ధామాలు, మౌలిక సదుపాయాలు, ప్రజల జీవన విధానం మెరుగు పరిచేందుకు అవసరమైన అన్ని చర్యలు తీసుకున్నారని, ఇదే స్ఫూర్తితో బిఆర్ఎస్ ఆధ్వర్యంలో దేశవ్యాప్తంగా విస్తరించే అవకాశం ఉందన్నారు. మున్సిపల్ చైర్మన్లు దేశవ్యాప్తంగా పట్టణాల్లో పర్యటించి తెలంగాణలో చేపట్టిన పథకాలను విస్తృతంగా ప్రచారం నిర్వహించి కేంద్రంలో బిఆర్ఎస్ అధికారంలోకి వచ్చేందుకు మున్సిపల్ ఛాంబర్ కృషి చేస్తుందని వెన్ రెడ్డి రాజు తెలిపారు. ఈ కార్యక్రమంలో  కార్యదర్శి,యడ్మ సత్యం,  ఉపాధ్యక్షులు మంజుల, మున్సిపల్ చైర్మన్ లు ఈశ్వర్, శ్వేత, శిరీష, సద్దాం హుస్సేన్,సుధా హెమెందర్, అర్చన, పి. జమున , కె. స్రవంతి,సిహెచ్. స్వప్న, నరేందర్  తదితరులు పాల్గొన్నారు.